அமரர்.நாகமணி சபாரத்தினம்

அந்தியேட்டி எதிர்வரும் 29ம் திகதி சுதுமலை குபேர மஹால் மண்டபத்தில் இடம்பெறும்.
. அழைப்பிதழ் கிடைக்காதவர்கள் இதனை தனிப்பட்ட அழைப்பாக ஏற்று மதியபோசன நிகழ்வில் கலந்து கொள்ளுமாறு பணிவுடன் கேட்டுக்கொள்கிறோம்.

றமேஸ் 0094777438277 

சுபா 0094774723504 

சாந்தன் 0094776984110

ஆவியாக ஆகாயத்தில் அங்கலாய்கிறேன்

பார் தனை விட்டு

பகலொன்று கழிந்தது

நேர் தனே சென்று

சிவன் பாதம்

சென்றிடலாம் என்று

எண்ணியிருந்தேன்

யார் வழி தடுத்தாரோ

யான் செய்த பாவம்

புண்ணிய பெறுபேறு எதுவோ

வார் தனில் மேலே

பதினெட்டடி உயரத்தில்

பாதை தடையை பார்க்கிறேன்

இது ஓர் இடைத்தங்கல் முகாமோ

கீழே எனக்கு நடக்கும் இறுதி

மரியாதைகளை பார்க்கிறேன்

ஊரெல்லாம் கூடி ஒன்று சேர்ந்து

அழுவது போல் காட்சி

எனக்கே விரும்பாத

எத்தனையோ நடைமுறைகள்

இறுதி கடன் எதுவோ

அதனை செய்தால் பரவாயில்லை

எந்திரன் படப்பிடிப்பு போல்

எத்தனை ஆரவாரம்

கண்ணீர் அஞ்சலிகள்

கட்டு கட்டாய்

அண்ணன் தம்பி

அயல் வீட்டார்

தனித்தனியாய்

சங்கங்கள் சபைகள்

சாலைகள் தனித்தனியாய்

நாற்பதினாயிரத்தில் நாலு

கோலப் பெட்டி ஒரு சோடி

பறை மேளம் ஊர் கோலத்திற்கு

போதும் இங்கோ இரு சோடி

பறை மேளம்

இதனை விட

இருபது பேரடங்கிய டம்போர்

இவற்றை எல்லாம் வெளிப்படுத்த

எத்தனையோ தொண்டர்கள்

எல்லாச் சந்திகளிலும்

இடைவிடா வார்த்தியங்கள்

பண்ணிசை பாட்டிற்கும்

புரோகிதர் கீர்த்தனையும்

புறம்போட்டு காட்டிட

ஒலிபெருக்கி சோடிக்கப்பட்ட

சோக கீதங்கள்

வீடியோ ஓடியோ

விதம் விதமாய் எடுப்பதுவும்

வேறு என்ன செய்கிறார்கள்

விளங்கவில்லை என்று

நானும் வியந்து நிற்க

வெளிநாட்டில் இருக்கும்

பிள்ளைகள் பார்ப்பதற்கு

‘ஸ்கைப்’ என்னும்

இன்னொரு ஏற்பாடு இவை

எல்லாம் எனக்கு தேவை தானா?

இவை எல்லாம் என்

விருப்பத்திற்கு மாறு

என்பது என் பிள்ளைகளுக்கு

தெரியாதா? நேர் தனில் சென்று

சிவம் பாதம் சேருவோம்

என்ற சிந்தனைக்கு ஓர்

தடையாக இவற்றை எல்லாம்

காண சிரிப்பு தான் வருகிறது

இத்தனை செலவுகளையும்

எளிதாக செய்து முடித்து

இல்லிடம் இல்லா

இருவருக்கு இருபது அடியில்

ஓர் குடிலை கட்டி கொடுத்திருக்கலாம்

என்று எண்ணி

ஆவியாகி நின்று யானும்

ஆகாயத்தில் அங்கலாய்கிறேன்

க.நா. சபாரத்தினம்

மாதகல்